【海倫小手作】週末小手作~廢物利用之小錢包

話說星期二哥日行過H&M之後~
朝思暮想一條藍色閃粉裙~
猶豫o左一日~
禮拜三終於都的起心肝去買啦!!

話說點解一條只係50蚊o既裙都要諗咁耐呢?
因為呢條裙o既質地比較膠質~
而且略帶閃亮o既藍色係我絕對唔會著o既~
所以,以50蚊買一條裙~
我唔會著,但會想用o黎整手作~
我會考慮我有冇時間心機將佢拆線~
同埋有冇咩概念要做咩作品~




登登!
就係呢條裙啦~
既然係買o黎做手作~
當然有咁大條買咁大條~
(不過咁大條都唔夠我呢個肥妹著...)
可幸o既係,佢只係用o黎做手作~

邊個成日鬧人有破壞冇建設...
破壞絕不比建設容易...
為o左可以物盡其用~
我好小心咁拆晒條裙所有線~
然後得到好大塊布~
(當然仲有布塊,可以做蝴蝶結等小飾物!)
同埋我最喜歡o既兩條拉鍊!
(我承認拉鍊係吸引我買o既一大賣點...)
而且因為佢自己已經配好色~
所以我只需要將各種布拼合使用就可以啦!

所以最底張圖會見到我用條裙裁出兩個圓型面布~

然後用裙袋塊襯布裁出兩個圓型裏布~
而襯裏當然又係好好用o既白色軟戟絨啦~
(今次我覺得用硬戟絨都會適合~)

因為製作時已近黃昏...
天色暗而且趕時間~
所以過程冇拍照...
下次再教大家點車拉鍊~
(其實我自己都車得唔靚...)

因為呢個係圓型小錢包~
所以縫合側邊布同圓布時~
好易就會起摺...
所以我會建議大家一定要落密d珠針定位~
而且車縫時一定要拉行塊側布嚟車~
(即係側布係面,圓布係底)

因為今次係小試牛刀~
亦都無任何紙樣~
所以側布個車縫線冇好好對正蝴蝶結...
希望下次會車得更好啦!

如果對我o既布藝作品有興趣~

pansychangchl@hotmail.com
多謝各位參觀~

或到我的FB專頁: http://www.facebook.com/helenhandicraft