【海倫小手作】手縫四片口金包

尋日o係屋企努力縫縫縫~
話說海倫之前個口金包已經用到好污糟啦...
(佢本身係綿羊造型...)
所以尋日o係冇乜布可選擇o既情況下~
堅持完成o左一個四片口金~
而當然有參考網上o既口金紙樣啦~
四片口金製作教程


首先,第一步當然係裁布~
因為係四片口金,所以共有兩個紙型a同b~
(你o地會見到個紙樣好低b...因為printer冇墨啦...)
面布a (2塊),面布b
(2塊), 裏布 (a,b各2塊), 襯裏 (a,b各2塊)
咁你問我襯裏係咩呢?
其實可以選擇買鋪棉~
用一邊有膠粒哥種,熨上面布就可以啦~
但我比較慳,所以就用軟戟絨o黎代替~
其實效果都差唔多~
(記得戟絨有分軟硬兩種o架!要用軟哥種)

剪好晒布就可以做面布同襯裏啦~
因為想面頭見到有縫線~
所以我直接用縫o既方法將面布同襯裏縫合~
然後就可以將4塊面布,梅花間竹咁縫好~

縫好面布後,就可以縫埋裏布啦~
然後將面布袋同裏布袋,以面對面方式方好~
我會用珠針固定四個角位同埋四個角o既中間位~
記得要留返個開口o黎反返塊布呀~
而因為紅色面個弧位較易處理~
所以我會將開口留o係哥邊~

當反好後~
就可以o係面縫口金哥個位再縫一條線~
方便你攞位同埋可以令個襯裏貼實面布同裏布~
縫口金時~
我會用珠針固定中間點同鉸位~
視乎個人習慣,我一般會o係中間點縫起~

就咁就完成o左個口金包啦~
因為好耐冇整...做o左好耐呀...
同埋...我以後唔會再全手縫口金包...
真係好攰......

如果對我o既布藝作品有興趣~
可以電郵聯絡我 :)
pansychangchl@hotmail.com
多謝各位參觀~

或到我的FB專頁: http://www.facebook.com/helenhandicraft