秋冬唇部恩物Blistex潤唇膏

自問對潤唇膏實在係極度狂熱份子~
因為我去到邊都一定會帶定起碼兩支潤唇膏~
而且去到任何藥妝店都一定會順手睇埋個潤唇膏欄~
最癲時,o係屋企出現六七支未開盒o既潤唇膏~
我o既瘋狂程度絕不下哥d愛鞋如命o既女士~

但因為我好鍾意試新潤唇膏~
所以有好多牌子,好多口味都試過~
而最後最鍾情始終都係Blistex~

第一次用係因為o係報紙見到~
當時係介紹點可以減淡唇色~
我係一個膚色,唇色,以至牙肉顏色(......)都好深o既人~
所以當然要搶先去試下啦~
咁哥時買o既係圖入面圓型哥樽~
當時覺得都幾肉赤o架~
一個學生妹,幾十蚊買潤唇膏~
但係每日都用,唇色真係有淡o左~

因為平身唇身好深~
當然冇可能變成bb粉嫩嘴唇~
但效果都係明顯o既~
而意思不到係~
佢著實係好滋潤!!
因為我試過乾到已經甩緊皮~
厚搽一晚後,已經覺得有改善~
再搽一晚,第二朝已經有脫皮情況~
實在係秋冬乾燥時節恩物~

以前用時,款式唔多~
但早排去sasa睇,已經有一個欄成欄都係佢產品~
實在令人太開心!
由廿零三十蚊到六十幾七十蚊都有~
豐儉由人~
當然不同價位功效各異~
而唯一共同點係超級潤!
而且我喜歡佢所有潤唇膏都係有防曬~
最基本係SPF15,而部份更有20~

而家我日常都係用藍色哥支~
哥支係當年o係澳洲見到大特價買o左兩支~
返o黎都見唔到有呢隻賣~
而圓型哥樽因為出街用唔方便~
都係放o係屋企用多~
而白色哥支最近我又入新貨~
我而家keep住每晚搽~
因為佢話係anti-aging~
又有Q10~
可以減淡唇紋~
所以我就用作晚間修護~
非常強大好用o既Blistex~
我已經用o左差唔多十年啦~
所以要強力咁推介大家!!

也可以發個電郵給海倫喔~ :)
pansychangchl@hotmail.com

或到我的FB專頁: http://www.facebook.com/helenhandicraft