Estee Lauder粉底助你15小時不脫妝

記得今朝瞓醒~
好記得尋晚個夢見到自己眼線溶晒...
然後成個人好似落湯雞一樣~
實在係好可怕o既一個夢......
但自從遇上o左Estee Lauder Double Wear持久防曬粉底SPF10之後~
應該就唔會再發呢種惡夢啦!!

最近Estee Lauder搵o左謝婷婷做代言~
亦都o係FB推出o左試用~
而愛嚐鮮o既我當然第一時間去換啦~
(第一時間換,但放到而家先試...)
Estee Lauder出手好闊綽~
並唔係小小一包,而係有個好靚o既樽仔o架!
而我分配到係2W0 Warm Vanilla顏色~


呢個顏色好適合我膚色~
放上手就即時見到啦~
液狀質地,遮瑕力高,但隱狀細紋能力就一般~
(手近拇指彎位已經係推開o左少少,可見紋仍深)
但上上面就見到遮紅印同黑眼圈能力都唔錯~

為o左挑戰佢係咪15小時長效不脫妝~
於是我o係差唔多收工(已經化妝近10小時,中午外出食飯)時影o左張相留念~
可見額頭同鼻有少少油,但絕對比我平時用o既品牌效果好好多!
而眼部亦唔見有眼線溶化或太多油情況~
整體然後係暗啞無油光o既乾淨妝容!
實在係好驚喜!!


因為我本身都係一個好易溶妝浮粉o既人~
到收工時間基本上已經同冇化妝冇乜分別...
但Estee Lauder呢個粉底真係有強勁控油效果~
但搽上面感覺真係有d乾,但未至於好多人話完全推唔開~
(可能我本身亦都比較油......)
而且亦無話好厚o既感覺~
整體效果同廣告亦算相符啦!
實在大力推介俾油面朋友如我使用~
乾面朋友就唔好意思啦~
你o地要再物色其他產品啦~
相信夏天用,會更體驗到佢o既強效!

如果有疑問可以電郵聯絡我 :)
pansychangchl@hotmail.com