【海倫小手作】後學花時代 - 十一月粉色系花球

離開學花上堂o既日子已經有一段時間啦~
但唔繼續整花就會生疏~
而且我都好想試下自己可唔可以自立門戶~
嘗試做多d唔同o既款式~
等第時自己要開個網店時~
都有不同款式俾客人參考嘛~

今次有朋友o既朋友要結婚~
因利成便~
就接o左呢一單花球啦~
新娘子禮服係金色~
而老人家希望紅d好意頭~
於是就襯o左一個紅色為主~
但亦都帶金黃感覺o既花球~
而三條春蘭葉係新娘子喜歡o既設計~


全個花球以紅玫瑰為主~
再配以粉紅o既小玫瑰、黃色o既小百合同橙色o既小牡丹~
襯葉係春蘭葉、灑金榕同巴西葉~

而因為過年後有個朋友要結婚~
我當然又接o左做襟花o既工作啦~
而呢位新娘子以紫色為主題~
好夢幻o既婚禮喔!!
所以就打算為佢整個襟花樣板~
等佢可以大概知道當日會收到d咩~

因為無可能買一朵花整個襟花咁簡單~
所以我仍然係買o左一堆花~
全部都係夢幻o既粉紅同紫色系~
相信係好多女仔o既夢幻婚禮之選~

今次我用o左個人好喜愛o既桔梗~
同埋一直好想試用o既愛麗絲~
加埋粉色玫瑰真係好襯好靚呀!!
而有少少花材就做o左一個最簡單款o既襟花~
呢個大頭玫瑰真係大得不得了!!!

雖然海倫唔係專業花藝師~
但可以為你o既婚禮製作花球,襟花~
有興趣o既朋友可以電郵聯絡我 :) 
pansychangchl@hotmail.com

或到我的FB專頁: http://www.facebook.com/helenhandicraft

   

多謝各位參觀~